شهاده ميلاد

قلمى قالى مش هاكتب وايديا قالت هتمنع
ذهنى خلاص مبقاش صافى وودانى مش عايزه تسمع
من كتر الاحداث ما بتحصل اتأكدت انى مصدع
من كتر الدم اللى بشوفه سبت الدنيا وقمت ارجع

لابقيت عارف مين مع مين
ولا اللى بيحصل نهايته فين
وكل ما اقول اه ه ه يا ابه تعبت
ارجع تانى اشوف الامرين

بلدى وكانت زى الغابه
القوى فيها يدهس الغلابه
مفيش مكان لضعيف ولا مظلوم
ولا ينفع تعيش عيشه دابه

مهو لو هحكى هقول وهقول
عن حال مايل مش معدول
رئيسنا كان يفطر كافيار
واحنا بنشحت طبق الفول

واما جه الوقت وقلنا
حقنا ناخده م اللى نهبنا
قمنا بثوره ويالا العظمه
وقفنا نطالب بمنابنا

هتفنا وقلنا يسقط النظام
وقلوبنا لسه مبقتش حطام
عشان نسيب عشق البلد
ونروح ندورعلى غيره غرام

مهو يا نعيش يا نموت مفيهاش حلين
والعيشه بحريه تبقى عيشتين
وان عيشنا بدونها نبقى ميتين
فاضلى شويه واقولكوا سلامين

كنا زمان نحكى الامجاد
كنا نقول احنا الولاد
فراعنه صنعوا قرون حضاره
وعلى ايدينا اتكتبلك شهاده ميلاد

من انهارده مفيش كسوف
ولا ترهيب ولا خوف
خلاص صحيت الانسان اللى جوايا
والبقاء لله فى الحلوف