رســــالة

رسالة 

  

عشان مصر هى امى يبقى مقدرش اقول غير بحبك يا اجمل ام
عشان ولادها هما اخواتى يبقى يلا يا اخواتى نتحد مع ولاد العم
دى فيها كان حبى وكانت حياتى وعلى نيلها اشتكيت الهم
ترابها ده دهب جوه قلبى وعشان مصر افديها بالدم

متقوليش مصر وحشه ولا فيها سيئات يا عم

دنا عاشق والعاشق يشوف العسل فى السم

حضاره زمان وشباب جدعان ودفى وامان

جواها عشت انا اجمل حلم

حلمت ببيت جميل على تراب اصيل

حلمت بحياه جميله وعندى الحيله

انى اخلى حلمى حقيقه ومش وهم

كفايه انك تشوف ولادك قدام عينك بيكبروا

وهما واثقين انهم فى بلدهم هيطوروا

كفايه انك فى اصعب المواقف

تلاقى نكته تنسيك اقوى هم

وجوه الدمعه تلاقى فرح

وام تبكى فى عز الفرح

وعيال صغيره شايفينك قدوه

والله كلامى حقيقه وما هو مزح

ده احنا اللى بعد الهم جالنا الفرج

وثوره شباب سببوا حرج

لناس كتير كانت تقول علينا

شعب متخلف شعب همج

وارض بلدى ارض غزاه

وفيها سال دم الحماه

وعشانها استشهد شباب

ضحى عشان بلده وربه نداه

انا مش كاتب ولا شاعر

انا راجل بكتب خواطر

على بالى تيجى اقوم اكتبها

لو قلتوا اسكت هاقول حاضر

عندى بس كلمه اخيره

وخايف اقولها .. عندى حيره

حافظوا يا شباب على بلدنا

حافظوا عليها ده انتوا الخيره