من دونك صديقي

 

 

من دونك صديقي 

 

عارف الخنقة
عارف لما تكون مخنوق
وتتسأل مالك وتقول مش عارف
وانت عــــــارف
كويس قوي
ايه اللي خانقك

عارف احساس صعوبة الوصف بالكلام
او حتي بالعياط
عارف احساس اللاشئ
احساس وبعدين
احساس لأمتي
احساس فين الطريق

عارف احساس التمسك
بحبل دايب
عارف احساس الترقب
لشخض غايب

تعرف ان الهجر
ممكن يقتل
والانتظار
ممكن برده يقتل

لما القلم
ميقدرش يوصف الألم

والحكاية لما تكبـر
وتوسع
وتعد الدقايق
والساعات
والأيام والشهور

وتبقي الحياة مجرد تواريخ
حسبة زمن .. 5 شهور
مستني تتقابلوا صدفه


تقابل اللي كان
مبتقابلش غيره
مبتحكيش لغيره
مبتفضحش نفسك
الا لغيره
مبتعيطش الا ف وجوده
واول ايام غيابه
كانت موت

هو الصــديق
زي الكتاب ما قال

وانت مشكلتك
ما بتتعلقش غير بالذكريات
بتعيش الحاضر
بماضي فات
بتشبه كل المواقف
بيــه
وتربطه بكل الحكايات

صديق صادق
خفت ف يوم عليه
فكنت الأحمق الغبي
صندوق أفكـار
ولكنك غبي
مهندس تخطيط
غبــــــــــي
140 يوم
بتعدهم بالتاريخ واليوم
وبتزود ساعات النوم
يمكن تقابله ف المنام
يمكن يكون بطل الأحلام

اه ه ه ه ه ه ه ه ه
واااااااااااااااااااحشني

صديق صـادق
مكنتش معاه صادق
حفرت الحفرة
و وقعت فيــها

خفت لا يبعد عنك
ف بأيدك
بعدته عنك

خفت لا يسيبك
ف ساب ايدك
وسط الطريق
تــــــــــايه

عنوان بدون جـواب
ملزوق عليه
طابع بوسته
م الذكريات

3 سنين
مش قليليين
افديه بكل جوارحي
اصله صاحبي

واسووق عليه الناس
يرجعلي
واسال عليه كل الروابط

يلاقيني والاقيه
ايوه .. كنت بلاقيه
كنت لما اتعب اجري عليه
واقوله تعباااااااااااااااان
وكان لما يتوه
الاقيني مش فرحان
صديق صادق
كنا ع الحلم نتسابق
وفي المحنة نتلاحق
ونواسي بعض
لما البعض
يكون لينا
مش صادق

صديق صادق
في زمن الكذب
يكون صــادق
يا تري
هيجي اليوم
ومن تاني هاكلمه
دنا كنت بتعمد
اسهـر ارخم واكلمه

يا عقلي
كن شافي
يا قلبي
كن جـافي
يا عيني
لا تبكي
فهو الصديـق
حتي وان مت في عينه
فيا نفسي
قولي وداعا
لكل فرحة
من دونه
وقولي وداعا
لكل اشتياق
دووونه
ف اشتياقه
كأشتياق الحبيب
فهو الصديق الحبيب
رغم انفه
وكوني كمن يمتص الضجيج
قي فرااااااااغ مكتووووم

وانتظري عودته
بجفاء
يمن عليكي بأبتسامة
مليئة بالحيــرة
كوني بحيرة
لدموع عيني
كونــــي مصفاة
لجروح قلبي
الممتدة
من وهن نفسي
و ضعفي
الي كبريائي المحطم
تحت اقدام الذكريات

كوني ك ملكة
في عرس
مات عريسها
وسط صرخات الأمهات

كوني المنتظرة
لكل ما فااات

ولا تستمتعي
ف فرحة اللحظات

فكيف الأستمتاع من دونك
وكيف الفرحة من دونك
وكيف كل شئ من دونك

يا .... صديــقي .

♠ بقلم كتلة الأفكــار ♠
5/ 2013

حكمة غريبة !!!

ســاعات كده
بيكون في مواقف
ليها حكمة غريبة قووووي

ساعات
ربنا بيوجدك في حياة أشخــاص
عشان تغلـــط !!
تعذبهم !!
تدايقهم !!
تكون سبب في فرحهم .. وحزنهم !!
تعيش معاهم .. ومش معاهم في نفس الوقت !!
تكون ليهم كل حــاجة .. وفي لحظة تبقي ولا حاجة !!
وتعدي اللحظات
والمواقف
والأيام
والحكـــايات

وتبقي بالنسبة لهم .... أحقــر أنســان ممكن يكونوا قابلوه
وتبعدوا عن بعض
ويتعبوا
ويكتئبوا
ويحزنوا
ويكرهوا الدنيا
بسببك

وبعد فترة
يبدأو من جديد
بشكل مختلف
بمناعة
وبقوة
وبعدم ثقة ف حد
بسببك

بس بعد شوية
بتلاقيهم اقوي مما كانوا
بتلاقيهم أفضل واذكي مما كانوا
بتلاقيهم
قادرين يعيشوا ف الدنيا
ويتعاملوا معاها

ولو دورت ع السبب الحقيقي ورا تغييرهم
هتلاقيه اللي انت عملته معاهم

النقظة بئا هنـــا
انهم صعب يغفرولك
صعب يسامحوك
صعب يتقبلوك من تاني

رغم انهم اتغيروا فعلا
بسببك !!!!

كلام وخلاص

بقلم : كتلة الأفكـــار

5 / 2013

ما هو البيع المباشر !!

هذه الدراسة علي هيئة سؤال وجواب ، منقوله من باحث لا اعلم اسمه ، وتم اضافة بعض الأسئلة والنقاط الهــامة ، من أجل نشر العلم والثقافة ليس الا 
بقلم : كتلة الأفــكــار
=========================================
1- ما هو البيع المباشر؟
هو ببساطة: فن من فنون البيع.
وتعريفه الدقيق هو: تسويق المنتجات والخدمات إلى المستهلكين مباشرة وجهاً لوجه في مكان تصنيعها، وفي أماكن أخرى بعيداً عن أماكن البيع بالتجزئة الدائمة.
فهو يعتمد في التسويق على تحويل المستهلكين إلى مسوقين أو موزعين؛ وذلك عن طريق تكوين مجموعة من الشبكات البشرية ينتشر عن طريقها المنتج بالاعتماد على ثقة الناس بعضهم لبعض.
2- هل هناك علاقة بين البيع المباشر والتسويق المتعدد المستويات؟
نعم؛ فالتسويق المتعدد المستويات هو نوع من أنواع البيع المباشر، وهو يعرف أيضاً بـ:
أ / التسويق الشبكي.
ب/ البيع المباشر المتعدد المستويات.
ج/ التسويق المتعدد الطبقات.
د / التسويق المتعدد الأجيال.
3- هل يوجد فرق بين (البيع) المباشر و(التسويق) المباشر؟
نعم؛ فإنه لا يجب الخلط بين البيع المباشر والتسويق المباشر؛ فالتسويق المباشر أو البيع عن بعد قد يوصفان على أنهما نظام تفاعلي للتسويق يستخدم وسيطاً إعلانياً أو أكثر لتحقيق استجابة قابلة للقياس، و / أو مناقلة مالية في أي مكان بحيث يخزن هذا النشاط في قاعدة بيانات، ومن الأنواع المعروفة لتقنيات التسويق المباشر والبيع عن بعد:
أ / التسويق عن بعد.
ب/ البريد المباشر.
ج/ الاستجابة المباشرة.
ورغم أن شركات البيع المباشر تستخدم أحياناً بعض تلك التقنيات لتحسين عملها التجاري؛ إلا أن الفرق الرئيسي بين طريقتي التسويق هو: اللقاء وجهاً لوجه، أو التقديم الشخصي الذي يبقى جانباً أساسياً في علاقة البيع المباشر.
4- ما هو السبب في الاهتمام بالبيع المباشر والحديث عنه؟
لأنــه:
أ / يسمح ببناء علاقة مباشرة مع الزبائن عبر الزمن؛ بغض النظر عن المنطقة الجغرافية أو ساعة العمل.
ب/ لا يكلف الانخراط فيه أموالاً كثيرة.
ج/ يفيد المستهلكين، بعكس التسويق العادي.
5- كيف يتم البيع المباشر؟
يحدث البيع المباشر عادة من خلال الشرح والإيضاح الشخصي من قبل مندوبِ مبيعاتٍ مباشرةً، ويدعى هؤلاء المندوبون عادة باسم: (الباعة المباشرون).
ويمثل البيع المباشر قناة توزيع سريعة التوسع في ميدان تسويق المنتجات والخدمات، ومن المتفق عليه كونه أفضل من التسويق التقليدي؛ لأنه أنفع للفئة المستهدفة من المستهلكين.
6- أين تكمن قوة البيع المباشر؟
تكمن قوته في الاستقلالية وخدمة المستهلكين والالتزام بالنمو المستمر في نظام السوق الحر، وهو يوفر المبالغَ الطائلة والتكاليف الباهظة للشركات، والتي تخسرها في سبيل التسويق للمنتجات.
وفي نفس الوقت هو يوفر للمستهلك الأموال التي يدفعها هو من جيبه مقابل دعاية الموزعين في التسويق التقليدي!
7- ما الذي يحققه البيع المباشر للعاملين فيه؟
هو فرصة لتوفير عمل تجاري يمكن الوصول إليه للناس الذين يتطلعون إلى مصادر بديلة للاكتساب والربح، والجميل أنه لا يكون الدخول إلى هذا النظام الراقي مقيداً بشكل عام بالجنس أو الثقافة أو الخبرة السابقة؛ إلا أن الغالبية العظمى من البائعين المباشرين في العالم هم من النساء.
8- هل يحتاج البيع المباشر إلى وقت معين؟
أبداً ! بل إن العاملين فيه ينجزونه كعمل إضافي وفي أوقات الفراغ وفترات زمنية قصيرة ومحددة، ويوجد من يعمل فيه كعمل مستقل؛ إلا أن معظمهم كانوا يعملون في وظائف تقليدية ثم تركوها؛ لينخرطوا في البيع المباشر بشكل كامل.
9- هل الباعة المباشرون يمثلون الشركات أم أنهم مستقلون؟
هناك نسبة لا تذكر من البائعين المباشرين يشكلها موظفون في الشركات التي تُباع منتجاتها، أما الباعة المباشرون المستقلون فهم أولئك الأفراد الذين يعملون لحسابهم الخاص، أو لحساب شركة بيع مباشر.
والباعة المباشرون المستقلون يبيعون المنتجات أو الخدمات من خلال عقود بيع شخصية فلذلك يعرفون بـ(المتعاقدون المستقلون).
10- ماذا يترتب على الباعة المباشرين المستقلين؟
كونهم باعة مباشرين مستقلين يترتب عليهم الآتي:
أ / أنهم [ بشكل أساسي ] ليسوا موظفين لدى الشركة التي يوزعون منتجاتها؛ بل هم رجال أعمال مستقلون يعملون لحسابهم الخاص.
ب/ يملكون فرصة لكسب أرباح عالية بشكل كبير من عملهم التجاري.
ج/ يترتب عليهم تحمل مسؤولية الأخطار المرافقة لعملهم؛ والتي تصدر عن أخطائهم الشخصية.
11- ما هي المنتجات والخدمات التي يقدمها الباعة المباشرون؟
تكون المنتجات التي يبيعها البائعون المباشرون متنوعة بتنوع زبائنهم، وتشمل: المنتجات الغذائية، والتجميلية، ومنتجات العناية بالجسم والبشرة، ومنتجات العناية بالصحة العامة.
وحسب الدراسات المعتمدة: فإن صناعة منتجات العناية بالصحة سوف تنمو من (200) بليون دولار إلى (1) تريليون دولار سنوياً بحلول (2010)م في أمريكا وحدها، مما يؤكد أهمية الانضمام إلى شركات البيع المباشر المعتنية بمنتجات العناية بالصحة.
12- كيف يعرض الباعة المباشرون عملهم؟
البيع المباشر يعتمد على البساطة المقرونة بالمعرفة التامة عن المنتج وطريقة العمل وأنواع الأشخاص المستقطبين، وكيفية عرض العمل، ومن الممكن تلخيص طريقة العرض على النحو التالي:
أ / عرض واحد لواحد [ وجهاً لوجه ].
ب/ عرض في لقاء منزلي.
ج/ الاجتماعات الكبيرة في مكاتب الشركة أو الفنادق.
ومن المهم أن يكون العرض قصيراً وممتعاً، وأن يجلس البائع المباشر مع الشخص المستقطب ويجيب على أسئلته.
13- هل يحتاج البيع المباشر إلى رأس مال؟!
تكلفة الانطلاق للبيع المباشر منخفضة للغاية في الغالب، فهو يناقض فرص الاستثمار الأخرى التي قد تتطلب مصاريف عالية وتعرض المستثمر إلى خطر الخسارة.
فلا حاجة إلا إلى أدوات البيع المساعدة المنخفضة التكلفة؛ كالبروشرات التعريفية والبزنس كارد.
14- هل البيع المباشر يعتبر حلاً للباحثين عن العمل؟!
نعم؛ فهو يقدم حلاً بديلاً وقوياً للتوظيف التقليدي لأولئك الراغبين بالحصول على فرصة كسب دخل مرن؛ كمتمم لدخلهم الأساسي، وكذلك للذين لا تسمح لهم مسؤولياتهم أو ظروفهم بالعمل المنتظم لوقت جزئي أو كامل.
15- هل يمكن أن يكون البيع المباشر مهنة متكاملة؟!
نعم؛ ففي العديد من الحالات تتطور فرص البيع المباشر إلى مهنة متكاملة، وهذا لا يكون إلا للذين يحققون النجاح فيه ويختارون متابعة عملهم المستقل في البيع المباشر بوقت عمل كامل.
وبطبيعة الحال فإن النجاح فيه سهل كما سبق بيانه؛ ولكن لا بد من الجهد فيه؛ فالجهد هو الذي يحقق النجاح بعد توفيق الله تعالى، والحركة فيها البركة.
16- متى بدأ البيع المباشر – المتعدد المستويات -؟
التسويق الشبكي تسويق حادث، ولا يزيد عمره عن حوالي (65) سنة، وأول ما ظهر في أمريكا، وقد ظهرت أول شركة تعمل بنظام التسويق الشبكي في عام (1945م), و هي شركة كاليفورنيا فايتمينز (California vitamins)، وهي شركة أمريكية متخصصة بصناعة مواد التجميل والتنظييف، أما في عالمنا العربي فهو جديد؛ ولا زال في مرحلة النضج.
17- ما هو الفرق بين التسويق الشبكي والهرمي ؟
يظن الكثير أن التسويق الشبكي هو التسويق الهرمي، وهذا غير صحيح؛ فالهرمي قائم على أكل أموال الناس بالباطل، وقد مَنَعَتْهُ القوانين الدولية؛ فضلاً عن كونه محرماً في الشريعة الإسلامية.
أما التسويق الشبكي فيقوم على الدعاية الشفهية، وعلى مبدأ الجُعالة في الفقه الإسلامي بعكس التسويق العادي، والذي يقوم على الدعاية والإعلانات المعروفة.
في التسويق الشبكي يجري دفع مبالغ لشراء منتجات فقط، ويحصل الشخص على نسبة معينة من مشترياته، أو من مشتريات شبكته.
أما في نظام الهرم؛ فإن الشخص يدفع مبالغ – دون أن يحصل على منتجات -؛ وإنما يتم وعده بأنه سيحصل على عائدات في المستقبل!!
18- ما هي أسباب عدم ثقة البعض بالتسويق المتعدد المستويات ؟
يرجع هذا الأمر إلى أسباب عديدة، ونذكر منها:
أ / عدم معرفة العاملين بشركات البيع المباشر بتفاصيل نظام شركاتهم على الوجه الأكمل مما يترتب عليه عدم المقدرة على نشر الوعي اللازم لهذه الصناعة.
ب/ وأيضا لاستغلال بعض الشركات لهذه الصناعة التسويقية استغلالاً سيئاً بنشرها لمنتجات غير لائقة أو باتخاذها من التسويق الشبكي وسيلة للنصب وكسب الربح بسرقة أموال الناس.
19- ما هي المراحل التي يقوم عليها التسويق المتعدد المستويات ؟
هي أربع مراحل مهمة:
المرحلة الأولى:
وتعتمد على التعريف بالمنتج أو الخدمة، والعمل على تكوين قاعدة قوية من المستهلكين واقتناعهم بالمنتج قناعة كاملة، ومعرفة كل مميزات المنتج.
وللأسف الشديد فإن هذه المرحلة غير مطبقة بالشكل الفعلي أو كما يجب أن تطبق في الشركات؛ لأن ما يتم هو إدماج المرحلة الأولى والثانية في نفس الوقت.
المرحلة الثانية:
وتأتي في النظام بعد التأكد من نجاح المرحلة الأولى بشكل قوى وفعال؛ بحيث أنه لا يُبْدأُ بها إلا بعد التأكد تماما من نجاح المنتج مع المستهلكين واقتناعهم التام به.
وهي: تعريف العملاء بنظام التسويق الشبكي، وشرح مزايا النظام وكيفية جذب العملاء ودعوتهم لشراء المنتج، والتعريف بسياسة الشركة والنظام الذي تتبعه، وكيفيه تقسيم الشبكة المتعددة المستويات، وتوزيع الأرباح والمكافآت الشهرية أو السنوية حسب نظام الشركة والسياسة المتبعة بداخلها.
المرحلة الثالثة:
وتبدأ بالتطبيق العملي للمرحلة الثانية؛ حيث يُقسَّم النظام الشبكي إلى شرائح يطلب من العميل أن يبدأ بتكون الشريحة الأولى والثانية، وتطبيق الخطة المرسومة لتحقيق الدخل من الشبكة، وتكوين أول شبكة مباشرة له.
المرحلة الرابعة:
وفيها يقوم راعي كل مجموعة بتدريب مجموعته، وتكون التدريبات أحيانا تابعة للراعي ومستقلة عن الشركة، وأحيانا تكون منسقة من الشركة نفسها.
وتقوم الشركات بعد انتهاء المرحلة الرابعة، وتحقيق المنشود منها بعمل حفلات ولقاءات للأعضاء، وتدريبهم على مهارات التسويق المختلفة، وعمل برامج إضافية وتكريم النشطاء والمتميزين حسب النظام.
20- ما هي شروط قيام شركة بيع مباشر ؟
أ/ حصرية المنتج :
لا تتم قيام شركة بيع مبـاشر الا بمنتجات حصرية ، قائمة علي مصانع تابعة للشركة ، ولا يجوز استخدام التسويق متعدد المستويات علي منتجات شركات آخري 
ب/ توافر شروط منظمات البيع المباشر :
منظمات البيع المباشر دورها الرقابة علي شركات البيع المباشر بكل جوانبها من حيث جودة المنتجات ، خطة العمولات ، توزيع الأرباح ، مدي سداد العمولات لعملاءها ، سمعة الشركة العالمية 
ج / وجود خطوط انتاج لمنتجات استهلاكية
=========================================

نقل وتنسيق / كتلة الأفكــار 
5 / 2013  

قصة القلم الأبيض

قلم ابيض 

يا نهار ابيض 

من وسط كل الأقلام

طلعلي قلم ابيض 

ومطلوب اني اكتب بيه

علي ورق ابيض 

طب ازاي الكلام يبان 

وازاي الحدوتة تكمل 

بقلم ابيض 

بس الأختبار كان اجباري 

والأختيار برده اجباري 

يا قلم ابيض 

يا قلم ابيض 

فللأسف مسكت القلم 

وبدأت أكتب 

تخيل معايا ممكن اكتب ايه 

وابدأ ازاي واوصل لأيه 

ماهي المشكلة اني حتي 

لما اكتب 

مش هاعرف وصلت لأيه 

عشان اكمل عليه 

ايه يا رب الحيرة دي 

مكانش في اختيار تاني 

او قلم تاني 

طب حتي كانوا يدوني ورق 

مش ابيــــض 

بس مفيش مراقب 

جاتلي فكرة 

انا مكتبش حاجة 

واودي الورقة واقول خلصت 

وابقي خلــــصــت 

م الموقف اللي انا فيه 

بس يا تري هاكون قدام نفسي 

ايــــــــــــــــه !!!!!

ايه التلعبيكة دي 

ما هما اللي مصعبينها 

وجايبيين ورق ابيض 

وحظي الهباب كمان زودها 

و وقعني ف قلم ابيض 

يعني مش كفاية ان حياتي مفيهاش 

ولا لـــون ابيض 

ويوم ما اجي الونها يكون القلم ابيض 

طــب وبعدين 

شكل القصة مش هاتكمل 

تكمل ايه يا شيخ اتنيل 

هي بدأت اصلا ! 

طب ابص كده ع اللي جمبي 

اشوفه وصل لفين 

ايـــــــه ده 

ازااااااااااااااااااااي 

مش معقول 

ده هوا كمان معاه قلم ابيض 

وفي نفس حيرتي ومستغرب 

طب ابص ع اللي جنبه 

برده القلـــم ابيــــض 

طب اللي جنبه 

واللي جنبه 

طب اللي قدام 

اشوف كده اللي ورايــــــــا 

ده اللجنة كلها ورقها ابيــــض 

وكلهم معـــاهم نفس القلم الأبيض

استنوا كده ، هو ايه الحــظ النيــلة ده 

كلنا ف نفس الموقف الأبيـــــــض 

معانا ورق ابيض 

وماسكين قلم ابيض 

روحت واقف بكل زهـــو 

وقلت انا خلصت 

وكل اللجنة خلصت 

حكايتها مع القلم الأبيض 

ولما خرجت م اللجنة 

لقيت كل الناس مدايقة 

اصلهم كان معاهم قلم ابيض 

ومعرفوش يكتبوا ف الورق الأبيض 

الموضوع مش محتاج قلم ابيض 

الموضوع ممكن يكون صــــامت 

ويحكي الف معني وكلمة 

مش لازم يتكتب 

ولا لازم تشتم حظك 

عشان وقعك ف القلم الأبيض

بصلها بشكل تـــاني 

هتلاقيها ان ربنا خلق كل اقلامنا بيضا 

عشان نكتب ب أفعــــالنا 

حكايات متتكتبش 

ولما نفكر نكتبها و منستفدتش منها 

يكــــــــــــــــون القلـــم ابيــــــض 

استفيد من قصـــتك 

واعرف انك مش لوحدك 

اللي اتولدت بقلم ابيـــــض 

ودي كــانت حكايتي 

مع القلم الأبيض :) 

كتلة الأفكــــــار 

18 / 3 / 2013 

انا مبحبش التنمية البشرية 2

ومع أول يوم ف التدريب .....

لقيت الموضوع غريب ، علي الأقل بالنسبة لي ، كان التدريب عن مهارات التواصل والقيادة ، وكنت اصــغر شخص موجود ف القاعة ، كل اللي يشوفني يبصلي بأستغراب كده كأني كائن فضائي هبط علي الأرض ، اول ما دخلت اخدت كتيب الماتريال وقعدت مكاني ، وبدأ التدريب بفيديو يعرف د / ابراهيم الفقي ، ومع مرور دقايق لقيت اني بحضر لشخص انجازاته كبيــرة جداااااا ، ومن كلام الناس ف الفيديو وانه غير حياة ناس كتــير ، حسيت ان الموضوع فعلا ممكن يكون مش أهبل ، ومع بداية التدريب ، بدأ د/ الفقي يتكلم ، ومع مرور الوقت بدأت انجذب للموضوع ، حسيت انه بيتكلم عني ، عن المواقف اللي مريت بيها ف حياتي ، ما بين نجاحات واحباطات ، فشل وضيـاع ، الفترة اللي حضرت فيها التدريب كنت تقريبا شخص بيقفل حياته من قبل ما تبتدي ، شخص مش ف دماغه اي حاجة ولا عاوز اي حاجة ، شخص الدنيا كلـــــــها سووووواد بالنسبة له ، بس مع مرور ايام التدريب ، لقيت ان الدنيا مش كلها سواد ، لقيت ان الحياة بس محتاجة ترتيب ، مع بداية اليوم التاني كنت بدأت يبقي عندي شغف اعرف هو هيقول ايه ، بدأت معاه احدد اولوياتي ، وحياتي ممكن يكون شكلها ازاي من جديد ، بدأت ابعد عن السلبيات اللي حواليا ، بدأت الاقي شخص جديد جوايا ممكن يبدأ الحياة من جديد ، ومن هنا فهمت فايدة ومعني التنمية البشرية ، فهمت ان مش زي اللغات ولا الكمبيوتر ، هي حاجة اهم منهم ، لأن لو اللغات والكمبيوتر بيعرفوا الشخص معلومات ومهارات ، ف التنمية البشرية بتعرف الشخص هو مين اصلا ، وبعد ما التدريب خلص اتفاءجت بأن المكان اللي عامل التدريب بيكرمني علي اني أصغر متدرب ف القاعة ، ومن هنا بدأت حياتي بشكل جديد ، بدأت ابص ع الجوانب الأيجابية ، بدأت احضر اكتر واكتر لنوعية التدريبات دي ، ولأنها علمتني الاقي نفسي ، بدأت معاها اشوف ايه هي اهتماماتي ، لقيت اني شاطر جدا وبحب جدا التسويق ، اهتميت بيه واتعلمت فيه كتيــر جدا وبدأت امارسه ، لقيت اني بحب الكتابة ، بدأت اكتب ، لقيت اني بحب اساعد الناس ، بدأت العمل التطوعي ، ومع مرور الوقت ، لقيت حياتي بتتحسن ، مش عشان مبقاش فيها احباطات ، بس عشان لقيت نفسي بعرف اتعامل مع الأحباطات دي ، مش عشان مفيهاش فشــل ، بس عشان اتعلمت ازاي اتعامل مع الفشل ، اتعلمت اشوف جوانب حياتي وانميها ، ومن هنا ، عرفت ازاي احب التنمية البشـرية ، ومع مرور الوقت ، بدأت كمان اعرفها للي حواليا ، لأني متيقن جدااااا من جوايا ، ان التنمية البشرية هي بداية الحيـــاة ، خلاصة الموضوع ، اني شخص زي اي شخص عــادي ، مكانش بيحب التنمية البشرية ، بس لما فهمها ، حبها ، و درسها ، وعلمها للي حــواليــــــــه ، وعشان كده ، لازم دلوقتي لو بتقول انك مبتحبش حاجة ، اعرف عنها الأول ، واعرف هي ممكن تفيدك ازاي وتعلمك ايــــــــه ، اعرف جوابنها ، سلبياتها وايجابياتها ، اعرف حياتك ممكن تبقي عاملة ازاي ف وجودهــا 

اعرف انك انســان ، اتخلقت عشان تتعلم ، مش بس تنتقد وانت مش فـــاهم 


لذلك ، انا بحب التنمية البشــــــــــرية ، وبحبها جداااا كمــان 

كتلة الأفكــار 


12 - 3 - 2013 

 

 

انا مابحبش التنمية البشــرية

فـــــــــــــــــــــــي بـــــــــداية
نزولي لسوق العمل ، كان عمري تقريبا 12 سنة ، من وقتها ومن قبلها كنت دايما اشوف ف البيت وف ادراج والدي كتب لواحد أسمه إبراهيم الفقي عن حاجة كده اسمها التنمية البشرية ، وقتها انا كنت اقري عن الألغاز ، القصص القصيرة ، بس ايه التنمية البشرية دي ، ولما كنت امسك الكتب واقراها ، احس ان في عبط موجود في الكتب دي ، يعني ايه حد يقولي اتواصل مع الناس ، ويعني ايه احدد هــدفــي ، ايه الكلام الفاضي ده ، كنت حاسس انه مجال أهبــــل ، وبعدها بفترة بدأت اشتغل ف التسويق ، اللي كنت فاكره دعاية نظرا لأني مدرستوش ، ومن خلال الشغل اخدت دور عضو تنظيم ف أحد مؤتمرات التوظيف ف الصعيـد ، وكان الموضوع بسيط ، اقعد ع المكتب اسلم الأبلكيشن واستلم ال CV ، المهم يا سيدي كل ما ابص في CV او ابلكيشن ، الاقيهم واخدين كورسات ف حاجة اسمها التنمية البشرية ، انا ياخويا اعرف كورسات E ، كورسات كمبيوتر ، ICDL ، سياحة وفنادق ، انما ايه جو التنمية البشرية ده ، يعني اروح واضيع من وقتي وفلوسي عشان اقعد اسمع حد يقولي انت كويــــــــــس O.o ايه المنطق الغريب ده ، لا والأدهـي كمان ، اني اخد فيها تدريب ، وليه شهادة ، يعني أهبل بيحضر حاجة هبلة عشان ياخد شهادة هبــلة ، مع الوقت والشغل بدأت احتك بناس بتقول انها واخدة تدريبات في التنمية البشريــة ، ومجالات تاني ، بس انا المجال اللي كان شاددني اعرفه هو ده ، عشان اعرف اتريق عليه بــس :D وفي ذات يـــوم ،دار الحوار التالي بيني وبين والدتي  

والدتي : د/ابراهيم الفقي نازل أسيوط !

انا :  بتاع الكتب الهبلة اللي ف درج بابا ده !!

والدتي : ما انت عشان مش فاهم بتقول كده ! 

انا : هاااار بتنجاني ، حتي انتي يا امـــاه ، فقولتلها بنبرة مفيهاش اي جدية ، طب وانا ينفع اروح احضر ولا مرتبط بسـن ؟

والدتي : لا ممكن تحضر وممكن كمان ادفعلك فلوس التدريب

 انا :  ليه هو غالــي يعني ؟

والدتي :  500 جنيه !

انا : هااااار اسووود ، اروح اسمع كلام اهبل ، ب 500 جنيه !!!! :O قولتلها لو هتدفعيهم انتي انا معنديش اي مشكلة ، مهو مش من جيبي :D 

المهم حجزتلي ورقمي كان 500 وشوية ، يعني فيه قبلي تقريا 500 واحد حاجزين ، ده معناه حاجة من الأتنين  ، يا اما الموضوع مش اهبل ، يا اما الناس كلها اتجننت ! ، بس قررت اروح واشوف .. واتريق ، ومع أول يوم ف التدريب .....

هاكملكم المقـــال اللي جـــــــــــــــــــــــــاي 


كتلة الأفكار 
3 / 3 / 2013 

Part of Find Your Way Night || Cotlat Elafcar

Part of Find Your Way Night || Cotlat Elafcar

My Channel

 El Warsha Project Channel

أحنا جيــل الأيموشــن :D

ليس من الجديد أن يأتي كاتبا أو مقاليا ويتحدث عن جيل ، ولكن الجديد هو الجيل ده ، وهتلاحظوا إني حولت كلامي للعامية لأني مش بتكلم عن جيل سعد زغلول ، إحنا بنتكلم عن جيــل الأيموشنز :D

الأيموشن فكرة بدأت مع ظهور مواقع التواصل الاجتماعي وانتشارها ، فكرتها بسيطة ، انك لما بتتكلم بتأكد إحساسك الداخلي بأيموشن

يعني لو مبتسم هاتعمل كده :)

 ولو بتكركر من الضحك أو في موقف لا تحسد عليه هاتعمل كده :D

 ولو بتغيظ حد هاتعمل كده :P

 ولو حزين هاتعمل كده L

ولو متعصب هاتعمل كده :@

و ايموشنز تاني كتير

بس فكرة المقال مش إني أتكلم عن كل أيموشن بيدل علي إيه ، فكرتي هنا إني أوجه الضوء علي الجيل صاحب (الخلق الضيق) ، اللي كسل يكتب انه مبسوط راح حاطت أيموشن ، جيل لما أتخنق من الملل والحكومة مع بعض راح عامل ثورة وكأنه بيفكر في دوري بلايستيشن ، أو كأنه مسافر رحلة لشرم مثلا ، اللي اخدت بالي منه كمان أن الجيل ده بالذات مفيش حاجة صعبة عليه

نفس الجيل اللي أتربي علي مازنجر وكابتن ماجد وماما نجوى ، هو نفس الجيل اللي كسر كل الأقفال وحطم كل القيود ، ونفض لكلمة مستحيل ، وطلع لسااانه للخوف ، عشان كده ، لازم يكون الجيل ده ليه محور اهتمام كبيير من كل المختصين والدارسين والباحثين والباحصاد كمان :D

لازم نفهم فعلا انه جيل قوي ، وقوي جدا كمان ، وان قوتنا فعلا في افتكاستنا ،

حتي المصطلحات اللي استخدمها الجيل ده محدش عرف يفهمها غيره ، لأنه طالما الموضوع عاوزينه مهم فحت كده ، يبقي لازم كمان تعاملنا معاه يكون جااامد تنين

الجيل ده مش جيل (السيس) زى ما بيقولوا ، لأنه مصطلح سيس بيطلق بس علي اللي بيخاف يعصر الطماطم بأيديه عشان متتوسخش ، طب بذمتكم لو إحنا جيل سيس فعلا كنا هانلعب بالقنابل المسيلة للدموع ، ولا هنفكر نقلب كيان أي حكومة مستفزة ، ولا هيكون الشمروخ هو سلاح كتير مننا ، ولا حتي نتريق علي كل اللي ميعجبناش

لأنه كمان الجيل ده مختلف ، هتلاقي فيه المنافقين قليلين قوووي ، لأنه هو صاحب مقولة (ليه أكذب عليك لما ممكن أقولك أنت مالك !)

عشان كده نفسي أقول لجيلي ولو توصية صغيرة وبقوله اهتم بنفسك وتفكيرك ودماغك وشغلها اكتر من كده ، لأنك فعلا تملك مفاتيح متوفرتش لأي جيل تاني قبل كده

وبدي توصية برده للأجيال اللي أكبر مننا وبقولهم خدوا بالكم عشان الجيل ده تفوق علي اجيال كتتتتتتير ، فياريت تحترموا قدراته وعقليته ، وبلاش اسطوانة انتوا صغيرين مشوفتوش حاجة ، لأن لو علي اللي شوفناه ، فالتاريخ يشهد كل جيل شاف ايه و واجهه ازاي ، وأخيرا انا فخوووور جدا اني من (جيل الأيموشنز )

:D

من كتاب : النجاح من منظور مشاغب (قريبا)

كتلة الأفكار