انا مش مثالي .. ومش زويل
ومانيش عالم .. ومانيش بديل
للي اكتشف .. للي اخترع
للي ابتدع في طريق سبيل
لكني فرد .. شق حلمه ليل
عاشق لفكرة .. وبحبها
ولا عمري كنت عبد لها
تيجي فكرة .. تروح فكرة
اكيد من تاني .. هاتيجي اختها
يعني مانيش مجلس قيادة
ولا حكومة .. ولا بيادة
ولا كنت عسكر .. ولا عميل
ولا كنت يوم لمعونة ذليل
لكني فرد .. شق حلمه ليل
عاشق لفكرة .. وبحبها
ولا عمري كنت عبد لها
تيجي فكرة .. تروح فكرة
اكيد من تاني .. هاتيجي اختها
الثورة كانت .. ولا ما كانت
مش هاحكي كلام
اداس واتهري
ولا هاحكي ع اللي اتسحل
واللي اتحبس واللي انتهي
ولا عن مصاب عينه فقدها
لجل نشوف للحرية منتهي
لكني زعيـم .. ايوه زعيم
زعيم لفكرة .. كانت ف يوم
جوه القلوب .. جوه العيون
وسط الزحام .. وبدون كلام
اتطرحت ف ارض
عطشانة دم
بين السطور في كلام
انت عارفه .. وحافظه صم
جوه العيون شفت دمعة
مع صرخة بكا من قلب ام
عاللي كان .. كان ابنها
كان همها وكان حضنها
كان دمعها .. وفرحها
واليوم صبح ذكري اليمة
عالشهيد .. وعاللي انتهي
علي روح صديق
كان يحب يسهر يغني
كان يحترم كبيره
ويعشق لسني
كان يشجع وكان يذاكر
وكان يهزر وكان وكان
وكان لبلده مثل خادم
وكان لفكره بس حالم
نفسه يشوف بلده بتكبر
بصوت جرس بالله اكبر
وبطلقة خاينة بقي شهيد
واللي خان كان حكم عسكر
وعشان كده انا جيت أقول
يسقط يسقط حكم العسكر
CE
يبن الذينه ياعبدة
ReplyDeleteانت فعلا موهوب
جامدة اخر حاجه
بين السطور في كلام
ReplyDeleteانت عارفه .. وحافظه صم
جوه العيون شفت دمعة
مع صرخة بكا من قلب ام
جميله اوى ما شاء الله .. و يسقط يسقط حكم العسكر
ما أحلا ما قريت
ReplyDeleteوما احلا كلام كتبتوا
وما احلاكن انتوا
يا احلا كتله افكار بالعالم
بجد كلا مؤثر جدا
وبالتوفيق من حلو لاحلي في حياتكن
إن شاء الله
بلدياتكن
أسماء اليمانى