نهايه قصه

هل للكلام المعسول .... تاثير معقول

وهل حب المصالح ... دائم طارح
ام يظل الى النهايه .... وهم وجارح
انى احببتك يا امرأتى ... احببتك بكل الجوارح
وانتى فقط ما كان يهمك ... ان اكون شخص ف طابور فاضح

اهذا وهم كنت اعيشه .... ام حلم كنت بداخله
اكنت لهذه الدرجه ساذج ...عندما وهبت حياتى له

يا دنيا ليت الزمان يعود .... لكى لا اعشق هذه الانثى
فلا بكائى سيجلعها افضل ...ولا عدم تفكيرى سيجلنى انسى

يا هوا لقد جرحتنى .... والمت كل شئ بى
لو كنت اعرف هذه النهايه .... ما كنت تمنيت ان تكونى لى

سأظل ادون وادون .... حتى يخرج منى حبك
فلقد خلقت لاتعلم .... وليس لاتحمل همك

فلكل شخص طريقه .... لابد وان يسلكه
مهما كانت العواقب ... حتى وان كان سيفتكه

فأجعل حياتك مراه .... يرى فيها الاخرين عيوبهم
واجعل نفسك اداه ... لتتحمل اخطائهم

وان احببت فلا تعشق ... ولا تعطى كل ما لديك
فقد يكون فى النهايه وهم .... وهذه تجربتى بين يديك

قد كنت عطوفا فى الماضى .... اعشق حياتى واعطيها
ولكن الان لابد من الشر .... لأكون قادرا على العيش فيها

واقول لكل امراه .... من عينه امراتى تفعل
كما تدين تدان .... ولابد من يوم تخجل
فمنك تعلمت الدرس .... وساوريكى فى المستقبل
ان جرحى ليس هين .... وان دمعى لن ينزل
من اجلك مره اخرى .... فأنتظرى يا عاشقه الخردل

شريط ذكرياتى

شريط ذكرياتى مر قدام عينيا
شوفت فيه الف لحظه ولحظه
شوفت حبيب قال فى يوم انه ليا
واتاريه كداب واتارى معرفتى بيه كانت غلطه

مهو مش كل من قلبك دق عشانه يحبك
ولا كل اللى تعرفه يصون عهدك
ولا كل لحظه عيشتها معاه كانت بجد
مهو لو فعلا فى يوم حبك كان صان دمعك

يا قلبى اصحى بئه من غيبوبتك
كفايه وهم ولا عاجباك صورتك
قدام الناس بقيت ضعيف
وتقولى بحبه وانت ولا همك

حبيته وباعك
عشت ليه وخانك
رفعته وهانك
مستنى ايه تانى ؟

يا قلبى صعبان عليا
تشوفه قدام عينيك
وتنده تقوله واحشنى
وهو ولا سائل فيك

كفايه عذاب وكفايه سهر
كفايه بكى وتنهيد
خد خطوه فى حياتك
وابدا من جديد


لا بكاك هيرجعه
ولا رجوعه هيفيدك
مهو لو كنت تهمه
مكنش هيجى ويهينك

خليه بالنسبالك ذكرى
تفتكرها تقول ياسلام
عرفت واحد زمان واطى
ونسيته مع الايام

ومدورش على حب تانى
تعيش معاه قصه جديده
خاليك كده عايش لنفسك
وصدقنى دى وصفه اكيده

ولو شوفتها مره صدفى
اضحك وقول يا محاسن
بصلها قوى وقول مش فاكر
فين شوفتها مهو مخى مش مخازن

وارجع تانى بثوب ابيض
عيش حياه نقيه صافيه
خاليك انت مصدر سعاده
وحب وحنان وابتسامه دافيه

وزى ما وقعت فى حبك
هتلاقى غيرها كتير
دور بئه على شخص صح
والغلط سيبه وطير

حالنا وحالك

على اسم مصر التاريخ يقدر يقول اجمل الاشياء
انا مصر عندى احب واجمل الاشياء

قالها عم صلاح جاهين من سنين
واتربينا على كلامه اللى له لسه فى الودان انين
حب مصر وعشقها وكتب عنها
قال عنها حاجات مختلفوش عنها اتنين

وعشنا بعدها سنين ذل وفقر
ودوقنا بعدها الوان واشكال من المر
وشوفنا جواها عذاب والم
ولسه حبينها عشان جواها سر

سر خلى كل اهلها بيعشقوها
سر يخلى كل مصرى يبوس ترابها
مانيش فاهم ايه السر ده
ولكن لى الشرف انى اكون واحد من احبابها

فيها حاجه حلوه ،،، حاجه حلوه منا
حاجه كل ماده تزيد زياده فيها انه

قالتها ريهام عبدالحكيم
وكان كلامها فى الصميم
وصفت وحكت وقالت ميزات
غنت لمصر غنا عاشقين

طرداك وهى بتحضنك
وهو ده اللى يجننك
بلد ما تعرف لو ساكنها
ولا هى اللى بتسكنك

ده كان وصف تانى
لحال وسر عايشين فيه
بلد غريبه بكل ما فيها
مره تعشقها ومره تقول انا عايش فيها لييييه ؟

لما بسمع عمر خيرت فى عزفه
بحس ان مصر بتتكلم
بتقول للمصرى ان هى شرفه
وانه لازم يحبها حتى لو اتالم

طب قولولى ازاى احب واحده ما بتحبنيش
ازاى اعشق وادوب وادى حد ما يقدرنيش
ازاى اكون رافع راسى وسط ناس بتزلنى
وازاى افخر بوطن باديله ويغشنى
وازى اقول بحبك وانتى قاسيه عليا
وازاى ترمينى وحالك يهمنى

دافيه ؟؟ ماشى
صافيه ؟؟ ماشى
اهلك طيبين ؟؟ ماشى
بس انتى فين ؟؟؟
لما اسمع ادان جنب جرس
اعرف انى فى مصر
ولما اتهان وكرامتى يدوس عليها الحرس
اعرف انى فى مصر
ولما يقولوا فى فتنه اقول ازاى
وعم مينا قاعد ويا الشيخ حسن يشربوا الشاى

وصفوكى وحكوا عنك كتير
وقالوا امجاد وقالوا كلام كتير
وقالوا برده بلاوى كتير
اخرهم ولادك اللى عشان الرغيف يقفوا طوابير
وجت الثوره وقالوا مصر هتبقى غير
وشدوا كل ظالم فى سجن وقلنا خلاص هيطير

لقينا بورتو طره واشكال والوان
سجن ايه ده اللى يقعد فيه صاحب الهيلمان

بيجامات وحمامات وخدمه خمس نجوم
واذا اعترضنا يقولوا حرام الراجل مش قادر يقوم

قولنا خلاص وماله بس فلوسنا ترجع
سويسرا قالت وماله بس ما ينفع

لازم اجراءات وحوارات وسنين نستنى
والله شعبى ده من صبره ليه الجنه

واللى زاد وغطى ان لسه فى ناس
متغيرتش ولا عمرتش ويقولك جابوا جاز

لسه الشباب عايزه تشتغل فى مكاتب
واذا محصلش يجولك البطاله ومين نحاسب

ولسه زباله فى الشوارع تترمى
ولسه رشوه جوه الجيوب تتحط
ولسه بنعامل المصرى اسوا م الاجنبى
ولسه متعلمناش نمشى على الخط

الخط اللى قولنا هنمشى عليه
الخط اللى قولنا بيه هنغير
الخط اللى كتب لمصر تاريخ جديد
وادينا بنخرب ولا نعمر

جوايا كلام كتير ومين يسمع
واذا سمع تفتكروا هيحس
مصر هى هى وحالها هو هو
لسه الغالب فيها شعب جبس

معندوش دم ولا عنده شعور
اظاهر انه نحس من كتر اكل الفول



هاسيبكوا انا تكملوا القصه
القصه اللى هنحكيها لعيالنا
بس امانه قبل ما تحكوا
عمروا مصر ... رجعوها جنه