أصل الحيـــاة

صوتي مبحوح

وعيوني متصابه

والامل مجروح

وصبحت جوه الغابة

لا بسمع

لا بلمس

لا بادي ولا باخد

لكن احساسي بالأجمل

عمره ما مني اتاخد

انسان بدون ملامح

والاسم بني ادم

رافض اكون جارح

واكون ف يوم هادم

لحلم كان فكرة

صبح طلب ملايين

واما بان لنا بكره

سالوه ده ملك مين

سكت وسبت ساحتي

والمعركة والجدال

ولقيت اني بقلمي

هامحي كلمة عيال

وبعد كام كلمة

بان لي الشعور الجاي

ان اليأس دب ..

دبه كما الافيال

وساعتها قررت

والقرار هو الحاجة

اللي لسه بملكها

وضلوعي محتاجة

لصرخة حب اصرخها

بصوت برئ و سذاجة

اقول فوقوا

اقول اصحوا

كفاية يأس

لا للكسل

انده للأمل

يجري يقولنا جاي

نعطش ونتمناه

ف الصحرا هو المي

نبرد يدفينا

ولا عمر كان له زي

نغرق ف بحر التوهه

طوق النجاه الحي

يكون هو الامل

ميكونش حلم بضي

ويا ارض كوني تحتي

تسندي صوتي الحي

لسه الامل فينا

لسه حلمنا جاي

بكره صبح لينا

مش نظره كدابه

بكره ده بتاعنا

مش ملك لديابه

بكره مش بقرار

برعية يوم ظهرت

ولا عمر كان ف حمار

يؤمر لنا يا حضرت

احنا اللي جبنا الحلم

واحنا صحاب الفكرة

واحنا اللي جبنا الجول

ف الشبكة يا نكره

يبقي المكان الصح

لحمار بلدنا البهيم

يا اما ف سلة زبالة

يا اما تاكل برسيم

واحنا الامل فينا

لسه حلمنا جاي

اليأس مش موجود

والنصر رافع راي

يا بلادي اوعاكي

تفتكري اني نسيت

حلمي اللي خلاكي

زهرة ف وسط الغيط

قولي لشهيد امبارح

ان لسه فينا صمود

ان السلاح ف ايدينا

حلمنا ومش هيموت

ما هو اصل ازاي تبيد

شعب رافض للطغاه

شايف ف موته الجنه

و ف الامل اصل الحياه

والحياة اجمل ما فيها

انك تعيشها بكل ما فيها

خير وشر وحر وبرد

تقدم بأيدك الامل ليها

اصل الحياة كان شمعة

من اصل 4 شمعات

الحب انطفي

والصدق اختفي

والثقة اتلاشت

وبالأمل عادت

شموعنا والعه

مهما كان

بحلمك وحلمي

وف زمان ومكان

اتحددوا م القدر

ومكانش متحدد

ان اخويا يموت

وحلمه يتهدد

مكنش متحدد

في عقلي وخيالي

اني اكون ف سجنك

ويكون كده حالي

لكن بألامل

صبرت واستنيت

وحلفت اني هاكون

بعد ما هنا بقيت

هاكون بالأمل اقوي

هاملك سلطتي بقلمي

هاعبر وهاستني

همك مع همي

القصيدة ف كلمتين

وعقلي فيهم تاه

اكون لليأس اسير

ولا الأمل اصل الحياة

اصل الحياة مدفون

جوانا علي طول 

مرة يكون مجنون

مرة يكون مخمول

مرة يحركنا

ومرة نحركه

مرة يكون ف ايدينا

ومرة نملكه

نملك 3 حروف

بالدنيا واللي فيها

بالأمل كسرت الخوف

والدور عليك وعليها 

دي حرية شخصية

يا جماعه بعد اذنكم ( دى حريه شخصيه ) .... ياعم ازاى  ؟  * وانتوا مالكوا ، دى حريه شخصيه *

 وانا فى رابعه ابتدائى كان عندى ماده اسمها ( القيم والاخلاق ) قريت فى مره جوه الكتاب بتاعها جمله بتقول 

( انا حر ما لم اضر )

وقتها عجبتنى الجمله رغم انى ما كنتش فاهمها ، كان اللى عاجبنى فيها نطقها ( انا حر مالم اضر ، انا حر ما لم اضر ) والله حلوه الجمله ، فيها تنغيمه كده وعدت الايام والسنين ومع مرور المواقف والشخصيات قدام عينى .. فهمت وقتها يعنى ايه ( انا حر ما لم اضر ) الحريه مش معناها انى اعمل اللى انا عايزه فى الوقت اللى احبه ، الحريه مش انك تدخن وسط ناس مش بيحبوا ريحه الدخان وتقول  * انا حر * الحريه مش انك تسب او تغلط فى حد او بلد وتقول  * ده رايى الشخصى * او * دى حريه شخصيه * صوتك العالى ، المزيكا المزعجه ، السواقه بتهور ، تقول رأيك بطريقه مش كويسه ، الغلط فى الكبير ، كل دى وحاجات غيرها كتير بنعملها تحت شعــــــــار ( دى حريـــه شخصيـــه ) واللى مستغـربـله برده ان نفس الناس اللى بتحب تأخد حقها فى الحريه مش بتفكر او تسأل نفسها سؤال : لو العيله او الدوله او المجتمع او الدين والعرف ادولك المساحه اللى ترضيك من الحريه كانوا يقصدوا ايه او كانوا عايزين منك ايه ؟؟؟ عايزين مسؤليات ، تحمل مسؤليه ، لما بتعبر عن رأيك بيبقى الغرض مش انك تعبر وخلاص او ترغى ومحدش يسمع ، الغرض انك لما تقول رأيك يتناقش ويتوجد الحلول ،،،، الحريه انك تتحمل مسئوليه كلامك ، فكرك ، رأيك ، تصرفك .عشان كده فكر كويس قبل ما تستخدم حريتك وشوف هتفيد مين ، وهتضر مين فكــــــــــــــــــــــــر كويــــــــــــــــس

كتلة الأفكار

12/10/2010

make Change

It's so easy to make Change … if you know the difference

between right and wrong

It's so easy to make Change … if you know what you want

It's so easy to make Change … if you know yourself

It's so easy to make Change … if you believe yourself

 It's so easy to make Change

If you want make Change

انا مش مثالي

انا مش مثالي .. ومش زويل

ومانيش عالم .. ومانيش بديل

للي اكتشف .. للي اخترع

للي ابتدع في طريق سبيل

لكني فرد .. شق حلمه ليل

عاشق لفكرة .. وبحبها

ولا عمري كنت عبد لها

تيجي فكرة .. تروح فكرة

اكيد من تاني .. هاتيجي اختها

يعني مانيش مجلس قيادة

ولا حكومة .. ولا بيادة

ولا كنت عسكر .. ولا عميل

ولا كنت يوم لمعونة ذليل

لكني فرد .. شق حلمه ليل

عاشق لفكرة .. وبحبها

ولا عمري كنت عبد لها

تيجي فكرة .. تروح فكرة

اكيد من تاني .. هاتيجي اختها

الثورة كانت .. ولا ما كانت

مش هاحكي كلام

اداس واتهري

ولا هاحكي ع اللي اتسحل

واللي اتحبس واللي انتهي

ولا عن مصاب عينه فقدها

لجل نشوف للحرية منتهي

لكني زعيـم .. ايوه زعيم

زعيم لفكرة .. كانت ف يوم

جوه القلوب .. جوه العيون

وسط الزحام .. وبدون كلام

اتطرحت ف ارض

عطشانة دم

بين السطور في كلام

انت عارفه .. وحافظه صم

جوه العيون شفت دمعة

مع صرخة بكا من قلب ام

عاللي كان .. كان ابنها

كان همها وكان حضنها

كان دمعها .. وفرحها

واليوم صبح ذكري اليمة

عالشهيد .. وعاللي انتهي

علي روح صديق

كان يحب يسهر يغني

كان يحترم كبيره

ويعشق لسني

كان يشجع وكان يذاكر

وكان يهزر وكان وكان

وكان لبلده مثل خادم

وكان لفكره بس حالم

نفسه يشوف بلده بتكبر

بصوت جرس بالله اكبر

وبطلقة خاينة بقي شهيد

واللي خان كان حكم عسكر

وعشان كده انا جيت أقول

يسقط يسقط حكم العسكر

CE

تجربة التقديم والأخراج

تجربة التقديم والأخراج 

تحقيق مصور بعنوان "علاقة المعلم بطلابه"

تقديم وأخراج : Cotlat Elafcar

ملحوظة : التحقيق تم بتاريخ مارس 2011